Saluton!
Jam la oka Somera Mezeuropa Renkontiĝo (SOMERE) okazos ĉi-jare, de la 23-a de julio ĝis la 6-a de aŭgusto 2010. Ni denove kunvenos en la plaĉa Jünkerath, en la Eifel-regiono, meze inter Kolonjo kaj Trier (Treviro), kie okazis jam pluraj belaj kunvenoj de SOMERE.
Ĉu vi ŝatas pasigi agrablajn kaj trankvilajn somerajn tagojn en internacia rondo? Ĉu ĉi-jare fine de julio/komence de aŭgusto konvenos kaj plaĉos al vi? Tiam
Venu SOMERumi kun ni!
Kiel kutime SOMERE estos taŭga kunveno kaj por spertaj Esperanto-parolantoj kaj por progresantoj aŭ komencantoj, kiuj volas ligi lernadon kaj lingvan ekzercadon kun libertempo.
Deko da homoj jam aliĝis
Venonta limdato: 20-a de junio
Mi tre afable invitas vin rigardi la retpaĝojn kaj aliĝi - se eblas, en ne tro fora estonteco (venonta limdato estas la 20-a de junio). Ĝis nun deko da aliĝintoj troviĝas sur la paĝo http://esperantoland.org/somere/partoprenantoj_somere8.php - aliaj jam anoncis sian intencon veni.
La informpaĝo kaj la aliĝilo pri SOMERE troveblas en la reto ĉe http://www.esperantoland.org/somere/ .
Ĝuu la someron, eble kun ni en SOMERE (aŭ dum Internacia Kongreso en Strasburgo, http://www.esperantoland.org/internacia_kongreso)
Lu Wunsch-Rolshoven, EsperantoLand, Internaciaj ferioj, http://www.esperantoland.org